Հույսի Ավան

Հիմնադրամն իր գործունեության ընթացքում իրականացրել է շինարարական տարբեր ծրագրեր` սոցիալապես անապահով ընտանիքների բնակության վայրերի, դպրոցների, մանկապարտեզների, բուժկենտրոնների հիմնավերանորոգում, կառուցում, ջրագծերի կառուցում, ինչպես նաև մի ամբողջ բնակելի թաղամասի կառուցում:
2001թ.-ից համագործակցելով ՀՀ կառավարության և Երևանի քաղաքապետարանի հետ «Դիակոնիա» բարեգործական հիմնադրամը կյանքի է կոչել «Հույսի Ավան» բարեգործական նախագիծը, որով նախատեսված էր 200 անապահով ընտանիքների համար կառուցել հույսի իրենց տունը: 2001թ.-ի օգոստոսի 6-ի կառավարության որոշմամբ՝ «Դիակոնիա» բարեգործական հիմնադրամին հատկացվեց 16 հեկտար հողատարածք Աշտարակի խճուղու հարևանությամբ: Ծրագրով նախատեսված էր բնակարաններից բացի «Հույսի Ավան»-ում կառուցել նաև միջնակարգ դպրոց, ուսումնարան` կից արտադրամասով, երկհարկանի վարչական շենք, համաբուժարան, առևտրի և ժամանցի կենտրոններ: Կարճ ժամանակ հետո այս տարածքում արդեն լսվում էր նախկինում անօթևան, հիմա արդեն իրենց բարեկեցիկ Ավանում ապրող երեխաների ուրախ աղմուկը: Նախատեսված 200 բնակարաններից կառուցվել է 78-ը: 78 բազմազավակ ընտանիքների 500 անդամներ այժմ ապրում են մշտական ջրով, ջեռուցմամբ, հեռախոսով և կենցաղում անհրաժեշտ կոմունիկացիայի բոլոր պայմաններով ապահովված բնակարաններում: Բնակարաններն ունեն նաև տնամերձ հողատարածք 400 քմ: Այգիները մշակելու և խնամելու համար թաղամասում անցկացվել է նաև ոռոգման ցանց, կատարվել են սիզամարգերի բարեկարգման և ցանկապատերի կառուցման, ասֆալտապատման աշխատանքներ: Հիմնադրամն ավարտին է հասցրել նաև վարչական շենքի, ուսումնարանի և կից արտադրամասի կառուցման աշխատանքները:
Մնացած աշխատանքներն ընթացքի մեջ են:

[ngg_images source=”galleries” container_ids=”2″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”50″ number_of_columns=”4″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”0″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]